ފޭސްބުކްއަށް ނުވަދެވޭގޮތް ހަދާނީ ކިހިނެއް؟

ފޭސްބުކްއަކީ އަހަރެމެން އެންމެގިނަވަގުތު ބޭނުންކުރާ އޮންލައިން ހިދުމަތެވެ. ނަމަވެސް ފޭސްބުކްގައި ވަގުތު ހޭދަކުރެވުމުގެ ސަބަބުން އަގުހުރި އެތައްވަގުތުތަކެއް އިސްރާފްކުރެވި ސްކޫލްގައި ކިޔަވާ ދަރިވަރެއްނަމަ ހޯމްވާކާއި ފިލާވަޅުތައް ދަސްކުރުމަށް ބުރޫއަރައެވެ. ފްރީލެންސް މަސައްކަތް ( މިސާލު ވެބް ޑިޒައިން ) ކުރައްވާ ބޭފުޅުންގެ މަސައްކަތް އެންމެ ފުރިހަމައަށް ނުކުރެވުމުގެ ބޮޑު ސަބަބެއްކަމުގައި ފޭސްބުކްވެފައިވެއެވެ. ފޭސްބުކްއަށް ވަދެ ވަގުތު ނަގާލުމަށްވުރެ އެވަގުތުގެ ބޭނުން ފައިދާހުރި ކޮންމެވެސް އެހެން ކަމެއް ކުރަން ބޭނުންހިފިދާނެއެވެ.
ފޭސްބުކަށް ވަންނަން ބޭނުން ނޫންނަމަ ނުވަތަ ދަރިފުޅު މާގިނަވަގުތު ފިލާވަޅުދަސްނުކޮށް ފޭސްބުކްގައި ހޭދަކުރާނަމަ ފޭސްބުކްއަށް ނުވަދެވޭގޮތް ހެދުމަށް ތިރީގައިވާ ގޮތްތައް ޚިޔާރު ކުރެވިދާނެއެވެ.

ވިންޑޯސް xp , Vista , Win7

ނޯޓް : HOSTS ފައިލް އެހެން ތަނަކަށް ކޮޕީކުރާށެވެ. ( ކުށެއް ހެދިދާނެތީ )
މި އުކުޅުބޭނުންކޮށްގެން ކޮންމެ ވެބްސައިޓެއްވެސް ބްލޮކް ކުރެވިދާނެއެވެ.

1. މި ފޯލްޑަރ ހުޅުވާށެވެ. އެއަށް ފަހު "HOSTS" ފައިލް އަށް ކްލިކްކޮށްލައްވާށެވެ.

C:\WINDOWS\system32\drivers\etc\hosts

2. "HOSTS" ފައިލް ހުޅުވޭ ވަކި ޙާއްސަ ސޮފްޓްވެއަރ އެއް ނެތެވެ.
"open with" މެނޫ އެރުމުން "Word pad" ޚިޔާރުކުރައްވާށެވެ.



3. "Hosts" ފައިލް ހުޅުވުމުން ތިރީގައިވާ ލައިންތައް ކޮޕީކޮށްލައިފައި ހޯސްޓް ފައިލްގައި ޕޭސްޓްކުރާށެވެ.

127.0.0.1 login.facebook.com

127.0.0.1 www.facebook.com

127.0.0.1 blog.facebook.com

127.0.0.1 apps.facebook.com

127.0.0.1 en-gb.facebook.com

4. ހޯސްޓްސް ފައިލް ސޭވްކުރާށެވެ.



މިގޮތައް ކަންތައްކުރުމުން ފޭސްބުކްއަށް ވަންނަންބޭނުންކަމުގައިވިޔަސް ފެނިވަޑައިގަންނަވާނީ ތިރީގައިވާ އެރޯ މެސެޖެވެ.

ފަޔާފޮކްސް



ގޫގުލް ކްރޯމް



އިންޓަނެޓް އެކްސްޕްލޯރާ

މި އުކުޅުބޭނުންކޮށްގެން ފޭސްބުކްއަށް ނުވަދެވޭގޮތައް ހެދިޔަސް ޕްރޮކްސީ ބޭނުންކޮށްގެން ފޭސްބުކަށްވަދެވެއެވެ. ނަމަވެސް ޕްރޮކްސީއަކީ ކޯޗެއްކަން ނޭނގޭ މީހަކަށް ޕްރޮކްސީ ބޭނުންކޮށްގެން ފޭސްބުކްއަށް ނުވަދެވޭނެއެވެ.

ސައިޓްތައް ބްލޮކްކުރާ ފަޔާފޮކްސް އެޑޯން: Block Site

google chrome އަދި Internet Explorer ގައި ފޭސްބުކް ބްލޮކްކުރާނެގޮތް

START > RUN
ދެން ތިރީގައިވާ ކޯޑް ޖައްސަވާށެވެ. ދެން Enter އަށް ފިއްތަވާލައްވާށެވެ.

"C:\WINDOWS\system32\rundll32.exe" C:\WINDOWS\system32\shell32.dll,Control_RunDLL "C:\WINDOWS\system32\inetcpl.cpl",Internet Options

އެއަށްފަހު ތިރީގައިވާ ސްކްރީންޝޮޓްގައިވާގޮތައް ކަންތައް ކުރައްވާށެވެ.

facebook.com ޖެއްސެވުމަށްފަހު Never އަށް ކްލިކްކޮށްލައްވާށެވެ.

އަލުން ފޭސްބުކަށް ވަންނަންބޭނުންނަމަ ފޭސްބުކް ބްލޮކް ކުރުމަށް މަތީގައިވާގޮތައް ކުރި ކަންތައްތައް ކުރިން ހުރިގޮތައް އަލުން ސެޓިންގސްތައް ބަދަލުކޮށްލާށެވެ. އެއްޗެއް އިތުރުކޮށްފައިވާނަމަ އިތުރުވި ސެޓިންގްތައް ޑިލީޓް ކޮށްލައްވާށެވެ. މަދުވެފައިވާނަމަ މަދުވާ ތަކެތި އެޑްކުރައްވާށެވެ.

މި ލިޔުމަކީވެސް ތިޔަބޭފުޅުންގަޔާވި ލިޔުމެއްކަމުގައި އުންމީދުކުރަމެވެ. ޚިޔާލު ހުށަހަޅުއްވާށެވެ!

ޝުކުރިއްޔާ!

ލިޔުނީ: މުޙައްމަދު ސާޢިފް

ފޭސްބުކްއަށް ނުވަދެވޭގޮތް ހަދާނީ ކިހިނެއް؟